ویب ڈیسک:معروف اداکارہ عائزہ خان نے انسٹاگرام پر اداکاری کی تعلیم حاصل کرنے سے متعلق پوسٹ شیئر کرنے پر سوشل میڈیا صارفین کی جانب سے انہیں شدید تنقید کا نشانہ بنایا گیا۔
تفصیلات کے مطابق اداکارہ نے اپنی پوسٹ میں لکھا کہ ایک کلاس فیلو کے سوال پر کہ “جب آپ پہلے ہی عائزہ خان ہیں تو پڑھنے کا کیا فائدہ؟”، انہوں نے جواب دیا، “میں اس لیے نہیں پڑھ رہی کہ میں عائزہ خان ہوں بلکہ اس لیے پڑھ رہی ہوں تاکہ اپنی بیٹی اور مداحوں کیلئے ایک رول ماڈل بن سکوں۔
تاہم حالیہ پاک بھارت کشیدگی کے دوران ان کی خاموشی پر مداح ناراض دکھائی دیئے ، متعدد صارفین نے کمنٹس میں لکھا کہ وہ اب عائزہ خان کو اپنا رول ماڈل نہیں سمجھتے۔
ایک صارف نے طنز کرتے ہوئے کہا، جب قوم کے ساتھ نہیں کھڑے ہوتے تو کسی کو پرواہ نہیں رہتی کہ آپ کہاں پڑھ رہے ہیں۔
عائزہ خان کی پوسٹ پرملے جلے ردعمل سے اندازہ ہوتا ہے کہ مداح اب فنکاروں سے صرف فن ہی نہیں بلکہ قومی معاملات پر بھی واضح موقف کی توقع رکھتے ہیں۔
